بہا ئوالدین زکریا یونیورسٹی ملتان دا فاصلاتی نظام تعلیم پروگرام ھک واری ول شروع کرݨ دا فیصلہ

ملتان۔22جون (اے پی پی):بہا ئوالدین زکریا یونیورسٹی ملتان فاصلاتی نظام تعلیم پروگرام ھک واری ول شروع کرݨ دا فیصلہ کیتے ۔ہائرایجوکیشن کمیشن دی ہدایت تے وائس چانسلر پروفیسر ڈاکٹر منصور اکبر کنڈی ھک کمیٹی بݨائی اے جیں اچ ڈین ڈاکٹر شوکت ملک، ڈاکٹر عمران شریف، ڈاکٹر عبدا لرحیم ، ڈائریکٹر اکیڈمک ڈاکٹر جاوید سلیانہ شامل ہن جݙاں جو کمیٹی دے سربراہ وائس چانسلر پروفیسر ڈاکٹر منصور اکبر کنڈی ہوسن۔ فاصلاتی نظام تعلیم دے ول شروع تھیوݨ دے ضمن اچ کمیٹی دے ممبران مشاورتی عمل شروع کرݙتے اتے ورکنگ پیپر دی تیاری وی شروع کرݙتی اے ۔ ایچ ای سی دی ہدایت تے فاصلاتی نظام تعلیم پروگرام اچ بی ایس اتے ایم ایس لیول دی تعلیم ݙتی ویسی جݙاں جو مخصوص شعبہ جات اچ ایم اے دی سطح دے پروگرام شروع کیتے ونڄݨ دا امکان اے ۔