ریاض۔22جون (اے پی پی):سعودی عرب اچ مقدس مسیتاں الحرمین الشریفین) دی انتظامیہ اڄوکے سال حج سیزن دیاں تیاریاں مکمل کرڳھدن ،ایں حوالے نال نائب وزیر حج و عمرہ ڈاکٹر عبدالفتاح مشاط مشاعر مقدسہ( منی، عرفات اور مزدلفہ)دا دورہ کیتے حج تیاریاں دا جائزہ ڳھدے ۔سعودی اخباردے مطابق وزارت حج و عمرہ زائرین کوں مناسک حج دی ادائیگی سوکھی تے محفوظ بݨاوݨ کیتے بہترین انتظامات کیتے کم کریندی پئی اے اتے ایں حوالے نال پیش آوݨ آلیاں ساریاں رکاوٹاں دور کرݨ کیتے اقدامات کریندی پئی اے ۔حج و عمرہ قومی کمیٹی دے رکن ھانی العمیری ݙسایا جو وزارت ایں سال منیٰ اچ حاجیاں کوں ٹکاوݨ کیتے 6 ٹاورز اتے 70 کیمپاں دا انتظام کیتے ۔ منیٰ ٹاورز اچ منفرد پیکیج کیتے 4.37 مربع میٹر دا رقبہ مختص کیتا ڳئے جݙاں جو اکانومی پیکیج اچ چار میٹردی جاہ ݙتی ویسی ، ایندے توں انڄ عازمین حج دے طعام کیتے انڄ جاہ مقرر ہوسی ۔ انہاں آکھیے جو منیٰ دے خیمیں اچ سپیشل پیکیج اچ ھک بندے کوں 5.33 مربع میٹر دی جاہ ݙتی ویسی ۔
