کمسن بھیݨ بھرا نہر اچ بݙ کراہیں جاں بحق

مظفرگڑھ ۔27جون (اے پی پی) کمسن بھیݨ بھرا نہر اچ بݙ کراہیں جاں بحق تھی ڳئے، بھیݨ دی لاش ریسکیو ٹیم کݙھ ڳھدی اے جڈانجو بھرا دی ڳول اجاں جاری اے، ریسکیو دی ابتداری اطلاع دے مطابق مظفرگڑھ دی تحصیل جتوئی دے موضع یاکی والہ اچ 8 سالہ بھیݨ اتے 9 سالہ بھرا نہر دی مݨ تے کھیڈدیں ہوئیں نہر اچ ݙہہ کراہیں بڈ ڳئے، ریسکیو 1122 اطلاع ملݨ تے موقع تے پڄ کراہیں بھیݨ دی لاش کڈھ کراہیں ورثا دے حوالے کر ݙتا جڈانجو بھرا دی ڳول سانڳے سرچ آپریشن جاری اے۔