جنیوا۔29جون (اے پی پی):اقوام متحدہ دی انسانی حقوق کونسل امریکی پولیس دے ہتھوں سیاہ فام بندے دی ہلاکت دے بعد پوری دنیا اچ ایجھے واقعات دے ول رونما تھیوݨ توں بچݨ کیتے منظم نسل پرستی کوں وختی روکݨ تے ترمیم تے تلافی کرݨ سودھے عالمی اقدامات تے زور ݙتے ۔ برطانوی خبر رساں ادارے موجب اقوام متحدہ دی انسانی حقوق دی ہائی کمشنر میشیل بیچلٹ نسل پرستی دے واقعات تے انسانی حقوق کونسل دی رپورٹ جاری کریندے ہوئیں ساریاں ریاستاں تے زور ݙتے جو نسل پرستی دے خلاف اقدامات یقینی بݨاون اتے افریقی شہریاں دی آواز بݨن۔ انہاں آکھیے جو تلافی دا لفظ صرف امداد کائنی بلکہ مستقبل اچ نسل پرستی اتے نسلی ناانصافی کوں روکݨ دی ضمانت وی ݙیوݨ اے نیز ریاستاں کوں نسلی انصاف ، ازالہ اتے مساوات کیتے مخصوص تے معینہ مدت تے مبنی پابندیاں دے ذریعے اقدامات کوں تکھا کرݨ کیتے مضبوط سیاسی قوت دا مظاہرہ کرݨا چاہیدے ۔
