اقوام متحدہ ۔29جون (اے پی پی):اقوام متحدہ دے سکریٹری جنرل انتونیو گوتریس بھارت تے زور ݙتے جو او آپݨے غیر قانونی زیرتسلط جموں و کشمیر اچ ٻالاں تے پیلٹ گن دا استعمال بند کرے اتے ٻالا کوں کہیں وی طرح بھارتی سکیورٹی فورسز نال رلاوݨ دی کوشش نہ کرے ۔کشمیر میڈیاسروس موجب اقوام متحدہ دے سکریٹری جنرل اے مطالبہ سلامتی کونسل اچ ”ٻال تے مسلح تنازعہ ” متعلق اپݨی تازہ رپورٹ تے کھلی بحث وچ آکھی اے ۔ رپورٹ اچ اے واضح نی کیتا ڳیا جو بھارت کیویں ٻالاں کوں بھارتی فورسز دے نال جوڑیندا پئے ۔رپورٹ اچ آکھیا ڳئے جو ”’جنگ دے دوران ٻالاں دے حقوق کوں نظر انداز کرݨ حیران کن اتے دل کوں ہلاوݨ آلا معاملہ اے ،سکولاں تے ہسپتالاں کوں حملیں کیتے ، لٹ مار سانگے تباہ کیتا ویندا پئے یا فوجی مقصد کیتے استعمال کیتا ویندے ‘۔بھارت بارے ایں رپورٹ دے ھک باب اچ ݙسایا ڳئے جو گزریل سال مقبوضہ جموں وکشمیر اچ مجموعی طورتے 39 ٻالاں تے تشدد کیتا ڳئے جیں پاروں 9ٻال جاں بحق تے 30معذورتھی ڳئن ۔مقبوضہ علاقے اچ مہلک پیلٹ گن توں گھٹ توں گھٹ 11 ٻال زخمی تھئن ۔
