کینیڈا دے شہر وینکوور اچ ودھ ساری گرمی ،درجہ حرارت 49.5 ڈگری سینٹی گریڈ تئیں پڄ ڳیا، 233 بندے ہلاک

وینکوور۔30جون (اے پی پی):کینیڈا دے صوبہ برٹش کولمبیا دے شہر وینکوور اچ جمعے توں ہیٹ ویو دا سلسلہ جاری اے جیں پاروں پہلی واری درجہ حرارت 49.5 ڈگری سینٹی گریڈ تئیں پڄ ڳئے جیں دے نتیجے اچ 233بندے ہلاک تھی ڳئن ۔کینیڈا اچ درجہ حرارت ودھݨ دے بعد ہیٹ ویو دا سلسلہ امریکا تئیں وی پڄ ڳئے ۔ فرانسیسی خبر رساں ادارے موجب محکمہ پولیس وینکوور اتے رائل کینیڈین مائونٹڈ پولیس گزریل ݙینھ ݙسایا جو وینکوور اچ درجہ حرارت پہلے کݙاہیں وی اتنی سطح تے نہ پڄا ہئی جتھاں پہلی واری درجہ حرارت 49.5 ڈگری سینٹی گریڈ تئیں پجے اتے ہیٹ ویو توں جمعہ توں ہݨ تئیں گھٹ توں گھٹ 233 بندے ہلاک تھی ڳئن ۔ وینکوور اچ ہیٹ ویوی پاروں سکول اتے کورونا ویکسی نیشن سینٹرز بند رہسن۔ کینیڈا دے محکمہ ماحولیات صوبہ برٹش کولمبیا اتے نیڑے علاقیں کیتے پورے ہفتے ہیٹ ویو دا سلسلہ جاری رہݨ دی وارننگ جاری کیتی اے ۔