بجلی دی فراہمی ملکی تاریخ دی ودھ سطح تے پڄ ڳئی اے، وفاقی وزیر حماد اظہر

اسلام آباد۔7جولائی(اے پی پی)وفاقی وزیر توانائی حماد اظہر آکھیے جو بجلی دی فراہمی ملکی تاریخ دی ودھ سطح تے پڄ ڳئی اے، بدھ کوں بجلی دی طلب و رسد 24 ہزار 284 میگاواٹ رہی اے۔ آپݨے ٹویٹ اچ انہاں آکھیا جو بجلی دی طلب و پیداوار ودھݨ دے نال نال ونݙ دی صلاحیت وی ودھی اے، تحریک انصاف حکومت توں پہلے جولائی 2018 اچ 20 ہزار 811 میگاواٹ بجلی دی ونݙ تھئی ہئی، ملک دے سب توں وݙے ڈیم تربیلا ڈیم توں سستی بجلی دی پیداوار صرف 25 فیصد اے، تربیلا ڈیم توں ڳھٹ پیداوار دے باوجود بجلی دی پیداوار دا ریکارڈ ٻݨیے۔