توانائی دے تحفظ سانڳے موثر اقدامات نال توانائی دا بحران مکایا ونڄ سڳدے، وفاقی وزیر سائنس و ٹیکنالوجی شبلی فراز

اسلام آباد۔7جولائی(اے پی پی)وفاقی وزیر سائنس و ٹیکنالوجی سینیٹر شبلی فراز آکھیے جو توانائی دے تحفظ سانڳے موثر اقدامات نال توانائی دا بحران مکایا ونڄ سڳدے۔ اے ڳآلھ انہاں بجلی دے آلات بارے فریقین دے اجلاس نال خطاب کریندے آکھی۔ چیئرمین اوگرا، ایم ڈی نیکا اتے نجی شعبہ توں پکھے، برقی موٹر اتے گیزر ڄھیں آلات ٻݨاوݨ آلیاں کمپنیاں دے نمائنداں اجلاس اچ شرکت کیتی۔ وفاقی وزیر آکھیا جو غیر معیاری مصنوعات پاروں اساں توانائی دے قیمتی وسائل ضائع کریندے پئے ہیں، جیندے نال ملکی معیشت تے اثر پووݨ سودھا صارفین کوں مالی نقصان برداشت کرݨا پوندے، سارے برقی آلات عالمی معیارات دے مطابق ہووݨے چاہیدن، ایندے نال توانائی وی ڳھٹ لڳسی اتے ملک و قوم دا مال وی بچسی۔ اجلاس اچ ڳھٹ توانائی استعمال کرݨ آلے آلات دی پیداوار ودھاوݨ کیتے اقدامات دا جائزہ وی ڳھدا ڳیا۔ وفاقی وزیر ہدایت کیتی جو اوگرا، نیکا، پی ایس کیو سی اے، پی سی ایس آئی آر اتے این آئی ای سودھا ٻئے متعلقہ محکمے عالمی معیار دے برقی آلات دے شعبے دی ترقی کیتے رل مل تے کم کرن۔