لاہور۔21جولائی (اے پی پی):وزیر اعلی پنجاب سردار عثمان بزدار ڈیرہ غازی خان اچ ٹریفک حادثہ اچ جاں بحق لوکاں دے لواحقین اتے زخمیاں کیتے 2 کروڑ روپے مالی امداد دا اعلان کیتے ۔ انہاں آکھیے جو پنجاب حکومت واقعہ اچ غفلت دے ذمے واراں دا تعین کرݨ کیتے وزیراعلی معائنہ ٹیم کوں انکوائری دا حکم ݙتے ۔وزیراعلی عثمان بزدار کمشنر ڈیرہ غازی خان اتے ڈپٹی کمشنرز کوں مالی امداد دے چیک اڄ ݙیوݨ کیتے ہدایات جاری کرݙتن ۔ انہاں آکھیے جو پنجاب حکومت جاں بحق لوکاں دے لواحقین تے زخمیاں کوں کلھا نہ چھوڑیسی ۔جاں بحق لوکاں دے گھر آلیں تے زخمی لوکاں دے رلے کھڑوں ۔عثمان بزدار آکھیے جو پنجاب حکومت جاں بحق لوکاں دے لواحقین اتے زخمیاں دی ہر ممکن مدد کریسی ۔
