مکہ۔22جولائی (اے پی پی):سعودی وزارت اسلامی امور و دعوت و رہنمائی آکھیے جو او اپݨے حج پروگرام جیں دا سلوگن ’چھاں تے بچاوݨ 2‘ اے، دے تحت ہݨ تئیں 90 ہزارتوں ودھ چھتریاں حجاج کرام اتے ٻئے لوکاں اچ ونڈیاں ڳئن ۔ سعودی ذرائع ابلاغ موجب وزارت اسلامی امور آکھیے جو ایندے کارکنان ایں طرح حجاج کرام دی خدمت کریندے پئن تے گرمی دے موسم، تاپش اتے لکھ توں بچݨ کیتے اے چھتریاں ونڈیاں ڳئن، ایں حوالے نال وزارت ہݨ تئیں 90 ہزار توں ودھ چھتریاں ونڈ چکی اے ، وزارت آکھیے جو ایں اقدام دے تحت شروع ہی توں مقدس جہیں ، حجاج کرام دے استقبالیہ مراکز، سکیورٹی اہلکاراں اتے خدمات ݙیوݨ آلیں اچ اے چھتریاں ونڈیاں ڳئن ۔
