اسلام آباد۔28جولائی(اے پی پی)بجلی صارفین کیتے چنڳی خبر آئی اے جو نیپرا جون دی فیول پرائس ایڈجسٹمنٹ دی مد اچ بجلی 21 پیسے سستی کرݨ دی منظوری ݙتی اے جیندا صارفین کوں آندے مہینے دے ٻلاں اچ ریلیف ملسی اتے ایں ریلیف دا اطلاق لائف لائن زرعی صارفین اتے کے الیکڑک صارفین تے نہ تھیسی۔ نیپرا اچ سی پی پی اے دی ماہانہ ایڈجسٹمنٹ دی درخواست تے سماعت تھئی جیندے بعد نیپرا بجلی 22 پیسے فی یونٹ سستی کرݨ دی منظوری ݙتی۔ نیپرا تفصیلی فیصلہ بعد اچ جاری کریسی۔
