اسلام آباد۔10اگست (اے پی پی) انٹرنیشنل کرکٹ کونسل (آئی سی سی) 2028 اچ لاس اینجلس اچ تھیوݨ آلے اولمپکس اچ کرکٹ کوں شامل کرݨ سانڳے کوششاں تکھی کر ݙتن۔ کرکٹ کوں اولمپکس اچ شامل کرݨ دی بڈ سانڳے ورکنگ کمیٹٰی بݨا ݙتی ڳئی اے۔ انٹرنیشنل کرکٹ کونسل (آئی سی سی ) دے چئیرمین گریک بارکلے آکھیا جو اساکوں یقین اے جو اولمپکس اچ کرکٹ ہک چنڳا ودھارا ہوسی، پوری کوشش اے جو 2028ء دے گیمز اچ کرکٹ کوں اولمپکس دا حصہ بݨایا ونڄے۔ کرکٹ کوں 2022ء دے کامن ویلتھ گیمز اچ وی شامل کیتا ڳئے۔ انہاں آکھیا جو کرکٹ دا اولمپکس اچ شامل تھیوݨ نال کھیڈ دا فائدہ تھیسی۔
