افغان صورتحال تے دوحہ اجلاس، زلمے خلیل زاد آکھیے طالبان تے افغان سکیورٹی فورسز دے خلاف کارروائیاں روکݨ سانڳے دبائو پیسوں

واشنگٹن۔10اگست (اے پی پی) امریکا دے نمائندہ خصوصی برائے افغانستان زلمے خلیل زاد افغانستان دی صورتحال تے قطر دے دارالحکومت دوحہ اچ تھیوݨ آلے ترائے ݙینھ واری مذاکرات اچ طالبان تے افغان سکیورٹی فورسز دے خلاف کارروائیاں روکݨ سانڳے دبائو پیسن۔ فرانسیسی خبر رساں ادارے دے مطابق طالبان ولوں افغان صوبیاں تے قبضے دا سلسلہ جاری رکھݨ دے بعد افغانستان دی صورتحال تے تھیوݨ آلا دوحہ اجلاس اقوام متحدہ اتے امریکا دے تعاون نال شروع تھیندا پئے جئیں دا مقصد افغانستان اچ تشدد دے واقعے اچ گھٹکی اتے فریقین کوں مذاکرات آلے پاسے گھن آوݨ دی کوشش کرݨ اے۔ امریکی محکمہ خارجہ ہک بیان اچ ݙسیا جو امریکا دے نمائندہ خصوصی برائے افغانستان زلمے خلیل زاد دوحہ اجلاس اچ افغانستان اچ امن و امان اتے جنگ بندی سانڳے سانجھا بین الاقوامی اعلامیہ وضع کریسن۔