اسلام آباد۔12اگست (اے پی پی):بہاولپور اچ لال سوہانرہ نیشنل پارک اچ ساوݨ دی شجر کاری دے سلسلے اچ 87 ایکڑ تے 60 ہزار ٻوٹے رادھے ویسن، لال سوہانرہ نیشنل پارک جنگلات اچ ودھارے نال بہاولپور تے نیڑے دی آب و ہوا کوں بہتر بݨاوݨ اچ مدد مل ویسی تے جنگلی حیات دے تحفظ و افزائش کوں یقینی بݨایا ونڄ سڳسی ، خمیس کوں وزیراعظم آفس دے میڈیا ونگ توں جاری بیان موجب وزیرِاعظم عمران خان لال سوہانرہ نیشنل پارک اچ ساوݨ دی شجر کاری دے سلسلے اچ 87 ایکڑ تے 60 ہزار ٻوٹے لاوݨ دی مہم دا آغاز کیتے۔ لال سوہانرہ نیشنل پارک اچ جنگلات اچ ودھارے نال بہاولپور اتے گردو نواح دی آب و ہوا دی صفائی اچ مدد مل ویسی تے جنگلی حیات دے تحفظ و افزائش اچ وی معاونت تھیسی ۔ لال سوہانرہ اچ نہ صرف کالے ہرݨ دی افزائش کامیاب ثابت تھئی اے تے انہاں دی ودھی اے بلکہ متحدہ عرب امارات دے تعاون نال گریٹ انڈین بسٹرڈ دا افزائشی مرکز وی قائم کیتا ویندا پئے ، ایں موقع تے وزیرِ اعظم کوں ݙسایا ڳیا جو حکومت کورونا دے دوران پروٹیکٹڈ ایریاز انیشی ایٹیو دا اعلان کیتا جیں توں نا صرف جنگلات و جنگلی حیات دا تحفظ یقینی بݨایا ڳیا بلکہ روزگار دے موقع وی پیدا تھئن۔ مزید نیشنل پارکس دی تعداد اچ 15 نویں پارکس دا ودھارا کرتے 30 توں 45 کر ݙتا ڳئے ۔دورے دے دوران وزیرِ اعظم کوں جنگلات دی نگرانی و تحفظ کیتے جدید ڈرون ٹیکنالوجی تے وی تفصیلی بریفنگ ݙتی ڳئی۔
