نیویارک۔12اگست (اے پی پی):اقوام متحدہ اچ پاکستان دے سفیر مینر اکرم آکھیے جو دہشت گردی توں متاثرہ ملک پاکستان دہشت گردی مکاوݨ کیتے عالمی برادری دے نال کم جاری رکھیسی ، انہاں آکھیے جو سلامتی کونسل دے غیر مستقل رکن کینیا دی طرفوں منعقدہ وینزویلن سابق سفارت کار دے ناں تے ڈیگوآریا نامی ایں اجلاس توں خطاب کیتے جیںدا موضوع انسانی ہمدردی بارے کارروائی انسداددہشت گردی آ پریشنز اتے مسلح جھیڑے دی صوتحال اچ پیش چیلنجز تے قابو پاوݨا ہئی ۔ پاکستانی سفارتی نمائندے غاصباں ، نوآبادی بݨاوݨ آلے تے قابض ملکاں دی طرفوں آزادی اتے حق خود ارادیت دی جائز جدوجہد کرݨ آلیں کوں دباوݨ تے ایں جدوجہد کوں دہشت گردی دے طور تے پیش کرݨ دی وی مذمت کیتی ۔ انہاں آکھیے جو دہشت گردی تے قابو پاوݨ دی آڑ اچ معصوم شہریاں کوں اجتماعی طور تے سزا ݙیوݨ تے انہاں دے بنیادی انسانی حقوق دی پامالی انسانی ہمدردی دے بین الاقومی قوانین دی وی خلاف ورزی اے ۔ سفیر منیر اکرم مزید آکھیے جو اقوام متحدہ دیاں متعلقہ قرار داداں اچ وی واضح طور تے بیان کیتا ڳئے غیر ملکی تسلط ، جبر اتے استحصال بنیادی انسانی حقوق دی نفی اے۔
