اسلام آباد۔13اگست (اے پی پی):اقوام متحدہ اچ پاکستان دے مستقل مندوب منیر اکرم افغانستان اچ طالبان کیتے پاکستان دی حمایت دے الزام کوں مسترد کریندے ہوئیں آکھیے جو اے الزامات کجھ افغان حکام دی طرفوں طالبان دے مقابلے اچ سرکاری فوج دے جھکے تھیوݨ تے لاتے ویندے پئن ۔برطانوی نشریاتی ادارے کوں انٹرویو اچ انہاں آکھیے جو طالبان کیتے پاکستان دی حمایت دے تصور کوں واضح طور تے مسترد کریندے ہوئیں آکھیے جو کوئی وی آتے ݙیکھ سڳدے جو پاک افغان بارڈر دے 97 فیصد حصے تے باڑ لاݙتی ڳئی اے ایندے نال نال پاکستان اچ دہشت گرداں دے محفوظ ٹھکاݨے دا وی خاتمہ کرݙتا ڳئے ، انہاں آکھیے جو ایں ویلھے پاکستان اچ صرف افغان مہاجرین دے ٹھکاݨے ہن جنہاں دی تعداد 30 لکھ توں ودھ اے ۔انہاں آکھیے جو پاکستان افغان فریقاں دا ہر ممکن تعاون کیتا تے امن مذاکرات اچ سہولت کاری کیتی۔اساں افغان مسئلے دے سیاسی حل کوں ودھاوݨ دی کوشش کیتی تے اساں قطر اچ ہݨ وی ایہو کریندے پیوں اساݙا افغانستان اچ امن و سلامتی اتے سیاسی حل اے۔ اساں کہیں وی صورت افغانستان اچ مداخلت دی خواہش نی رکھیندے ۔
