اسلام آباد۔20اگست (اے پی پی) 24 گھنٹیاں اچ کورونا دے ترائے ہزار 239 نویں کیس، 70 اموات رپورٹ تھین جئیں اچوں 30 اموات وینٹی لیٹرز تے مریضاں دی تھین۔ نیشنل کمانڈ اینڈ آپریشن سینٹر ولوں جاری اعدادوشمار دے مطابق گزریل چووی گھنٹیاں اچ ترائے ہزار 239 لوکاں دے کورونا دے ٹیسٹ مثبت آئن۔ ملک دے چار وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال بہاولپور اچ 66 فیصد, لاہور اچ 38 فیصد،ملتان اچ 58 فیصد اتے اسلام آباد اچ 46 فیصد مریض ہن۔ گزریل چووی گھنٹیاں اچ 51 ہزار 982 کورونا دے ٹیسٹ کیتے ڳئن۔ اعدادوشمار دے مطابق گزریل چووی گھنٹیاں اچ 51 ہزار 982 کورونا دے ٹیسٹ کیتے ڳئن جئیں اچوں 3239 لوکاں دے ٹیسٹ مثبت آئن۔ اتے اے شرح 6.23 فیصد رہی۔ کورونا وائرس پاروں جاں بحق تھیوݨ آلی دی تعداد 70 ریکارڈ کیتی ڳئی اے۔
