اقوام متحدہ۔20اگست (اے پی پی) پاکستان دی سلامتی کونسل دے فورم تے خود کوں دہشت گردی دے خلاف چیمپئن دے طور پیش کرݨ دی بھارتی کوشش دی مذمت کریندیں ہوئیں آکھیا جو بھاری دی کوئی اخلاقی ساکھ کائنی کیونجو انہاں دے آپݨے ہتھ دہشت گردی توں متاثرہ لوکاں دے لہو نال رنڳے ہوئن۔ اے ڳالھ اقوام متحدہ اچ پاکستان دے مشن سلامتی کونسل اچ روزانہ دی بنیاد تے تھیوݨ آلی بریفنگ اچ گزریل ݙینھ ’’دہشت گردی دی سرگرمیاں پاروں بین الاقوامی امن اتے سلامتی کوں درپیش خطرات‘‘ تے بھارتی خارجہ امور دے وزیر ایس جئے شنکر دی تقریر دے جواب اچ آکھی۔ بھارتی وزیر بھارت دے سلامتی کونسل دے صدر دی حیثیت نال آپݨے ملک کوں سرحدی خصوصی طور لشکر طیبہ اتے جیش محمد دے حملیاں توں متاثرہ ملک دے طور پیش کرݨ دی کوشش کیتی اتے دہشت گردی دے خلاف جامع کوششاں دا مطالبہ کیتا۔ پاکستانی مشن آکھیا جو بھارت پاکستان دے خلاف دہشت گردی دی سرپرستی، اونکوں ودھاوݨ، منصوبہ بندی اتے تعاون کرݨ آلیاں ساریاں توں وݙا ملک اے۔
