اسلام آباد۔22اگست (اے پی پی) وفاقی وزیر اطلاعات و نشریات چوہدری فواد حسین گجک، بلوچستان اچ آئی ای ڈی دھماکہ دی شدید الفاظ اچ مذمت کریندیں ہوئیں آکھیا جو ایجھی بزدلانہ کاروائیاں اساݙے حوصلے نی ڳھٹا سڳدی۔ قوم دہشت گردی دے خلاف جنگ اچ سکیورٹی فورسز دے رلے کھڑی اے۔ سکیورٹی فورسز دی قربانیاں ضائع کائنا ویسن۔ اتوار کوں آپݨے ہک بیان اچ انہاں آکھیا جو دہشت گردی دے واقعے اچ کیپٹن کاشف دی شہادت دی خبر افسوسناک اے، اللہ تعالیٰ کیپٹن کاشف دے درجات بلند فرماوے اتے زخمی اہلکاراں کوں جلدی صحت ݙیوے۔
