اقوام متحدہ ۔23اگست (اے پی پی):اقوام متحدہ افغان دارلحکومت کابل توں 120 لوکاں کوں قازقستان منتقل کرݙتے۔ چینی خبر رسا ں ادارے موجب اقوام متحدہ دے سیکرٹری جنرل انتونیو گوتریش دے ترجمان سٹیفن دوجارک آکھیے جو انہاں مسافراں اچ اقوام متحدہ دے اہلکار تے کئی غیر سرکاری تنظیماں دے ارکان شامل ہن جیڑھے افغانستان اچ اقوام متحدہ دے شراکت دار دے طور تے کم کریندے رہین ، انہاں آکھیے جو کابل توں آوݨ آلے اقوام متحدہ دے اے اہلکارالماتے اچ آُپݨا کم جاری رکھیسن ۔ ترجمان آکھیےجو اقوام متحدہ افغانستان اچ ایں ویلھے آپݨے ہزاراں اہلکاراں اتے شراکت داراں دی حفاظت تے توجہ ݙتی ہوئی اے تے ایندے نال نال لکھاں ضرروت مندافغانیاں کوں انسانی امداد تے ٻئی معاونت کریندا پئے۔
