اسلام آباد۔23اگست (اے پی پی):وزیر داخلہ شیخ رشید احمد آکھیے جو سی پیک اساݙی معاشی ترقی کیتے شہ رگ دی حیثیت رکھیندے ، چینی شہریاں کوں ہر طرح دی سکیورٹی ݙیسوں، افغانستان اچ امن و استحکام کیتے دنیا دے رلے کم کریسوں افغان حکام یقین ݙیوائے جو افغانستان دی سرزمین کہیں صورت کہیں ملک دے خلاف استعمال کرݨ دی اجازت نہ ݙتی ویسی ، افغانستان توں آوݨ آلیں کیتے وزارت داخلہ سہولت مرکز بݨا ݙتے ، سنوار کوں اتھاں پریس کانفرنس توں خطاب کریندے ہوئیں وزیر داخلہ آکھیے جو اساں افغانستان اچ امن، استحکام اتے انہاں دی سالمیت کیتے نہ صرف دعا گو ہیسے بلکہ اساݙی خواہش اے جو افغانستان دا امن پاکستان دے امن نال جڑیا ہویا اے تے پاکستان دنیا نال رل تے افغانستان اچ امن ݙیکھݨ چاہندے ، انہاں آکھیے جو افغانستان بارڈر دی صورتحال وزارت ݙیکھدی پئی اے ، انہاں آکھیے جو اساں اٹھ جدید ڈرون مل گھنݨ دا فیصلہ کیتے ، 192 کیمرے اتے 1122 پورا سسٹم پنجاب دی طرز تے اسلام آباد اچ اڄوکے مہینے شروع کریندے پیوں ۔
