اسلام آباد۔23اگست (اے پی پی) صدر مملکت عارف علوی آکھیا جو افغانستان دی سرزمین پاکستان سمیت کہیں ݙوجھے ملک دے خلاف استعمال نی تھیوݨی چاہیدی۔افغانستان اچ امن ٻہوں اہم اے اتے اے افغانستان دی عوام اتے ہمسایہ ملکاں دے فائدے اچ اے۔ اے ڳالھیں انہاں سنوار کوں ایوان صدر اچ ”دختر پاکستان بیانیہ” دی تقریب پذیرائی دے بعد میڈیا نال ڳالھ مہاڑ کریندیں ہوئیں آکھی۔ انہاں آکھیا جو پرامن افغانستان دا افغانستان دے بعد ساریاں توں ودھ فائدہ پاکستان کوں تھیسی۔ افغانستان اچ 40 سال بعد امن ٻہوں اہم اے۔ انہاں آکھیاجو افغانستان اچ امن نال تعمیر نو اتے ترقی دے نویں موقع ٻݨسن اتے پاکستان ایں بارے آپݨا کردار ادا کرݨ کیتے تیار اے۔
