اسلام آباد۔24اگست (اے پی پی):وفاقی وزیر منصوبہ بندی ترقی واصلاحات وخصوصی اقدامات ونیشنل کمانڈ اینڈ آ پریشن سنٹر دے سربراہ اسد عمر آکھیے جو 30 ستمبر دے بعد کورونا ویکسی نیشن دے بغیر ہوائی سفر تے پابندی ہوسی، ہوٹل، گیسٹ ہاؤسز اتے شادی ہالز اچ آوݨ آلیں دی ویکسی نیشن لازمی اے ، 17 سال توں ودھ عمر دے طلبا کیتے ویکسی نیشن لازمی قرار ݙتی ڳئی اے ، طلبا دے ٹرانسپورٹیشن عملے کوں 31 اگست تئیں ویکسین لواوݨی ہوسی ۔منگل کوں وزیر اعظم دے معاون خصوصی قومی صحت فیصل سلطان دے رلے میڈیا کوں بریفنگ ݙیندے ہوئیں وفاقی وزیر آکھیے جو 31 اگست دے بعد اسکول ٹرانسپورٹر ویکسین دے بغیر کم نہ کرسڳسی ، اسکول وین ڈرائیوز کیتے وی ویکسی نیشن لازمی قرار ݙتی ڳئی اے ۔اسد عمر آکھیے 15 اکتوبر دے بعد موٹروے تے سفر کیتے ویکسی نیشن لازمی قرار ݙتی ڳئی اے ، 15 اکتوبر دے بعد بغیر ویکسی نیشن پبلک ٹرانسپورٹ اچ سفر دی اجازت نہ ہوسی ، 17 سال یا ودھ عمر دے طلبا 15 ستمبر تئیں ویکسین لازمی لواون، حکومت کیتے ہر پاکستانی دی صحت اہم اے، تعلیمی اداریں اچ 89 فیصد اساتذہ اتے عملے دی ویکسی نیشن تھی چکی اے ۔
