اسلام آباد۔27اگست (اے پی پی):وزیراعظم عمران خان 90 لکھ پاکستانی تارکین وطن کوں قیمتی اثاثہ قرارݙیندے ہوئیں آکھیے جو پاکستانی تارکین وطن دی طرفوں آپݨے ملک اچ سرمایہ کاری دے رستے اچ ساریں توں وݙی رکاوٹ بدعنوانی اے، روشن آپݨا گھر پروگرام ھک گیم چینجر اے، تارکین وطن دے پلاٹاں تے قبضیں دی کئی شکایات سامݨے آئن، اساں پاکستان اچ قبضہ گروپاں دے خلاف جہاد کریندے پیوں ، روشن آپݨا گھر پروگرام دے تحت بینک انہاں کوں گارنٹی ݙیسن ۔ او جمعے کوں اتھاں ٻاہرلے ملک رہݨ آلے پاکستانیاں کیتے ”روشن آپݨا گھر پروگرام” دے آغاز دی تقریب توں خطاب کریندے پئے ہن ، ایں موقع تے وزیر خزانہ شوکت ترین اتے گورنر سٹیٹ بینک رضا باقر وی خطاب کیتا ۔ وزیراعظم عمران خان روشن آپݨا گھر پروگرام شروع کرݨ تے رضا باقر اتے انہاں دی ٹیم کوں خراج تحسین پیش کیتا انہاں آکھیے جو او ھک وݙے عرصلے توں مختلف ملکاں وچ رہ ڳئن ایں سانڳے او پاکستانی تارکین وطن کوں ساریں توں زیادہ جاݨدن ، اے اساݙا قیمتی اثاثہ ہن تان جو بدقسمتی نال اساں آپݨے قیمتی اثاثہ توں ٻہوں گھٹ فیدہ چاتے ، انہاں دی طرفوں آپݨے خانداناں دی کفالت کیتے بھجوائے ونڄݨ آلے ترسیلات زر تئیں ہی محدود ہن۔ وزیراعظم آکھیے جو 90 لکھ پاکستانی تارکین وطن کنے پاکستان دی جی ڈی پی دے برابر پیسہ موجود اے، جفاں اساݙی حکومت بݨی تاں اساں ایں تے غور کیتے جو اینکوں کیویں استعمال اچ گھن آؤں ، جیڑھا اساں سمجھدے ہاسے جو سرمایہ کاری آسی ہونہار پاکستانیاں کوں وطن واپس گھن آسوں ، بدقسمتی انہاں کوں او ماحول نی ݙے سڳیے ، ھک دم تبدیلی اوکھی ہوندی اے اساں ہولے ہولے کوشش کریندے پیوں انہاں کوں مراعات ݙیوں تاں جو ایں کیتے ویلھا چاہیدے ، انہاں آکھیے جو کئی پاکستانی اتھاں آئے تتے او بدل تے واپس چلے ڳئن ایں نظام دی بہتری کیتے کم کریندے پیوں ، سسٹم اچ بہتر گھن آتے سرمایہ کاراں کوں تحفظ ݙیسوں اساں انہاں کیتے کاروبار اچ سوکھ ݙتی اے ، توقع اے جو ساݙے اقدامات نال بہتری آسی ۔
