اسلامیہ یونیورسٹی بہاولپور دے شعبہ سرائیکی اچ داخلے جاری ہن

اسلام آباد۔30اگست (اے پی پی):اسلامیہ یونیورسٹی بہاولپور دے شعبہ سرائیکی اچ داخلے جاری ہن جیندی چھیکڑی تاریخ 10 ستمبر 2021 اے ، شعبہ سرائیکی بی ایس ،ایم ایس / ایم فل، پی ایچ ڈی اچ داخلہ ڳھدا ونڄ سڳدے۔ اسلامیہ یونیورسٹی پاکستان دی پہلی یونیورسٹی اے جتھاں ساریں توں پہلے شعبہ سرائیکی قائم کیتا ڳیا ۔شعبہ سرائیکی آئی یو بی پاکستان دی کہیں وی یونیورسٹی دے شعبہ توں ودھ مضبوط اتے تاریخی حیثیت رکھیندی اے ۔ایندے وچ قابل اتے تجربہ کار پی ایچ ڈی فکیلٹی، خواجہ غلام فرید چیئر وی ہے اتے مستقبل وچ گورنمنٹ سکولز اتے کالجاں اچ ملازمت دے موقع ملسن تے ریڈیو ، ٹی وی اتے اخبارات اچ وی ملازمت دے موقع بݨسن ایندے توں انڄ آرٹس کونسلز، زبان و ادب دی تحقیق دے شعبہ جات وچ وی ملازمتاں ملسن ، مادری زبان اتے کلچر کوں پرموٹ کرݨ دا موقع ملسی تے سرائیکی وسیب دی تاریخ، جغرافیہ اتے رسم و رواج بارے آڳاہی تھیسی سکالرشپس دے مواقع ملسن ،ایچ ای سی ، پی ای ایف، احساس، نیڈ بیسڈ اے مزید معلومات کیتے 03024206006 ایں نمبر تے رابطہ کیتا ونڄ سڳدے۔