افغانستان توں امریکی اتے اتحادی افواج دا انخلا مکمل، کابل ایئرپورٹ تے جشن، مسیتاں توں اللہ اکبر دے نعرے

کابل۔31 اگست(اے پی پی)افغانستان توں امریکی فورسز و عملے دا انخلا سنوار اتے منگل دی وچلی رات پورا تھی ڳئے جیندے تے طالبان افغان عوام کوں مبارک ݙتی اے ڄݙاں جو امریکا افغانستان توں آپݨے سارے سفارتی آپریشنز معطل کرتے قطر منتقل کر ݙتن۔ امریکی فوج دے انخلا تے کابل ایئرپورٹ تے جشن منایا ڳئے اتے طالبان دی سجدہ شکر ادا کرݨ دی وڈیو وی سوشل میڈیا تے وائرل تھئی اے۔ کابل ایئرپورٹ تے طالبان کنٹرول سنبھال ڳھدے۔ طالبان ترجمان ذبیح اللہ مجاہد آکھیے جو افغانستان اچ امریکا دی شکست ٻئے ملکاں تے حملہ کرݨ آلیاں اتے آوݨ آلیاں نسل کیتے ہک سبق اے، امریکی اتے اتحادی افواج دے نکلݨ توں بعد افغانستان ہݨ مکمل آزاد تھی ڳئے۔