اسلام آباد۔1ستمبر(اے پی پی)وزیر داخلہ شیخ رشید احمد جاپان دی حکومت دی سفارش تے افغان شہریاں دے انخلاء اچ ہتھ ونݙاوݨ دی یقین دہانی کرائی اے۔ او جاپان دے سفیر کونینوری مستودا نال ملݨ ویلھے الیندے پئے ہن۔ ملاقات اچ پاک جاپان ݙوطرفہ تعلقات سودھا ہکو جھیں دلچسپی دے معاملیاں تے الایا ڳیا۔ جاپانی سفیر افغانستان توں غیر ملکیاں دے انخلاء کیتے کردار ادا کرݨ تے پاکستان دی تعریف کیتی۔ وزیر داخلہ آکھیا جو پاکستان افغانستان اچ امن چاہندے جو ایندے بغیر خطے اچ ترقی اتے استحکام ممکن کائنی، افغانستان توں غیر ملکیاں دی واپسی کیتے وزارت داخلہ اچ مرکزی سہولت ڈیسک ٻݨائے ڄیڑھا 24 گھنٹے کم کریندا پئے، پاکستان انسانی بنیاداں تے آپݨیاں ذمہ داریاں نٻھیندا راہسی۔
