اسلام آباد۔3ستمبر (اے پی پی):وفاقی وزیر توانائی حماد اظہر آکھیے جو گھریلو اتے کمرشل صارفین کیتے موسم دے لحاظ ںال بجلی گیس دیاں قیمتاں دے تعین دی تجویز زیرغور اے، ایں اقدام توں آف پیک سیزن اچ بجلی دی کھپت وچ ودھارا تھیسی ، جمعے کوں ھک ٹویٹ اچ انہاں آکھیے جو موسم دے لحاظ دا بجلی تے گیس دیاں قیمتاں دے تعین دی تجویز دا مقصد آف پیک مہینے وچ بجلی دی کھپت ودھاوݨ اے ۔ انہاں آکھیے جو انڈسٹریل انرجی سپورٹ پیکج توں ایں ڳال دی عکاسی تھیندی اے جو ایجھاں سہولتاں توں لوکاں کوں ریلیف ملدے تے بجلی دی ودھیک گنجائش کوں استعمال کیتا ونڄ سڳدے ۔
