ملتان۔3ستمبر(اے پی پی) پیر پٹھان حضرت خواجہ شاہ سلیمان تونسوی دا عرس 5 صفر المظفر 11 ستمبر کوں تونسہ شریف اچ شروع تھیسی۔ ضلعی انتظامیہ عرس دیاں تقریباں کیتے انتظامات اتے سکیورٹی کوں حتمی شکل ݙے ݙتی اے۔ عرس دا آغاز سجادہ نشیں دربار سلیمانیہ سابق وفاقی وزیر مذہبی امور خواجہ عطا اللہ تونسوی دربار کوں غسل ݙے تے چادر چڑھاوݨ نال کریسن۔ عرس تے پورے ملک توں زائرین شرکت کریندن۔ ایں سانڳے پولیس، اوقاف، میونسپل کارپوریشن، ریسکیو 1122 اتے ٻئے متعلقہ محکمیاں انتظامات مکمل کر ڳھدن ڄݙاں جو زائرین دی ݙیکھ ٻھال، کھاوݨ پیوݨ، رہائش سہولتاں سودھا ٹریفک پلان ٻݨا ڳھدا ڳئے۔
