ملتان۔3ستمبر(اے پی پی)شیخ الاسلام حضرت بہاوالدین زکریا ملتانی دا 782 واں عرس 7 صفر المظفر 13 ستمبر توں ملتان اچ شروع تھیسی۔ ضلعی انتظامیہ عرس دیاں 3 ݙیہاڑی تقریباں کیتے انتظامات اتے سکیورٹی منصوبہ بندی شروع کر ݙتی اے۔ ایں سانڳے ڈپٹی کمشنر ملتان عامر کریم خاں دی صدارت اچ ضلعی محکماں دا اجلاس تھئے جیندے اچ ایڈیشنل ڈپٹی کمشنر جنرل قمر الزماں قیصرانی اتے اسسٹنٹ کمشنر سٹی خواجہ عمیر محمود سودھا ٻئے حکام موجود ہن۔ عرس سانڳے پولیس، اوقاف، کارپوریشن، ریسکیو 1122 اتے ٻئے متعلقہ محکمیاں انتظامات تے بریفنگ ݙتی۔ ڈپٹی کمشنر زائرین دی ݙیکھ ٻھال، کھاوݨ پیوݨ، رہائش سہولتاں سودھا ٹریفک پلان ٻݨاوݨ دی ہدایت کیتی۔