نیو یارک۔4ستمبر (اے پی پی):اقوام متحدہ دے سیکرٹری جنرل انٹونیو گوتریس پاکستان اتے ست ٻئے ملکاں دا افغانستان اچ اقوام متحدہ دی جاری کارروائیاں اچ تعاون کرݨ تے شکریہ ادا کیتے ۔نیویارک اچ اقوام متحدہ دے ہیڈ کوارٹرز اچ باقاعدہ بریفنگ اچ اقوام متحدہ دے سیکرٹری جنرل دے ترجمان سٹیفن دوجارک آکھیے جو وݙے انسانی بحران دے شکار افغانستان اچ اقوام متحدہ دیاں کارروائیاں بدستور جاری ہن،سیکرٹری جنرل پاکستان ، ڈنمارک ، قازقستان ، شمالی مقدونیہ ، پولینڈ ، قطر ، متحدہ عرب امارات اتے امریکہ سودھے ممبر ملکاں دی مخیرانہ مدد اتے تعاون کیتے بے حد مشکور ہن جنہاں اتھاں ساݙیاں سہولتاں تے انتظامات کوں جاری رکھݨ اچ اساݙے نال تعاون جاری رکھیا
