اسلام آباد۔5ستمبر (اے پی پی):وزیراعظم عمران خان آکھیے جو بھارتی فورسز ولوں سیدعلی گیلانی مرحوم دے خاندان دے خلاف مقدمیں درج کرݨ شرمناک اقدام اے۔ اتوارکوں آپݨے ٹویٹ اچ وزیراعظم عمران خان آکھیے جو پہلے 92 سالہ سید علی گیلانی جیڑھے محترم ترین اتے بااصول کشمیری رہنماواں اچوں ھک ہن دا جسدِ خاکی کھسیا تے ول انہاں دے خاندان دے خلاف مقدمہ قائم کرݨا نازیاں توں متاثر آرایس ایس، بی جے پی سرکار دے ہتھوں ہندوستان دے سفاکیت تے ڈھݨ دی ھک ٻئی شرمناک مثال اے ۔وزیراعظم آپݨے ٹویٹ دے نال بھارتی اخبارٹائمزآف انڈیا دی خبروی شئیرکیتی اے ، خبردے مطابق غیرقانونی طورتے بھارت دے قبضے وچ مقبوضہ کشمیردی پولیس سید علی گیلانی دی تدفین دے موقع تے بھارت مخالف نعرے لاوݨ تے مرحوم دے جسدخاکی کوں پاکستانی پرچم اچ ویڑھݨ تے سید علی گیلانی دے خاندان دے ٻئے لوکاں دے خلاف بڈگام پولیس سٹیشن اچ ایف آئی آر درج کراݙتی اے ۔
