اسلام آباد۔6ستمبر(اے پی پی) وزیراعلیٰ عثمان بزدار آکھیے جو 6 ستمبر 1965 پاکستان دی دفاعی تاریخ دا سڄاکا اتے ماݨ آلا ݙینھ اے، ڄݙاں پاکستان دی بہادر فوج بزدل دشمن دی جارحیت دا منہ ٻنیا ہا۔ یوم دفاع تے سنیہے اچ انہاں آکھیا جو پاک دھرتی دے پتراں دفاع وطن کیتے بہادری دیاں وݙیاں مثالاں ݙتن اتے دشمن دے ناپاک عزائم مٹی اچ ملائن، ساݙے مکار دشمن کوں منہ بھن ولدا ݙیوݨ آلے شہداء اڄ وی قوم دے دل اچ وسدن، اساں اڄ دے ݙینھ آپݨے شہیداں اتے غازیاں کوں سلام کریندے ہیں۔
