وفاقی کابینہ دا پاکستان دے دورہ کرݨ آلی کیوی ٹیم کوں مکمل سیکیورٹی ݙیوݨ دا فیصلہ

اسلام آباد۔7ستمبر(اے پی پی)وزیراعظم عمران خان دی زیر صدارت وفاقی کابینہ دے اجلاس اچ فیصلہ کیتا ڳئے جو پاکستان دے دورہ کرݨ آلی کیوی ٹیم کوں مکمل سیکیورٹی ݙتی ویسی جیندے کیتے سیکیورٹی منصوبے دی منظوری وی ݙتی ڳئی اے۔ اے ڳالھ اسلام آباد اچ وفاقی کابینہ دے اجلاس دے بعد میڈیا نال الیندے وفاقی وزیر اطلاعات فواد چودھری ݙسائی۔ انہاں آکھیا جو نیوزی لینڈ دی کرکٹ ٹیم پاکستان آندی پئی اے، اے شائقین کرکٹ کیتے وݙی خبر اے بھل اے یقینی ٻݨایا ویسی جو کیوی ٹیم کوں مکمل سیکیورٹی ملے، جیندے کیتے سکیورٹی منصوبے دی منظوری ݙتی گئی اے جو کیویز دا پچھلا دورہ سیکیورٹی سانڳے کوئی چنڳاں کائنا ہا بھل ایں واری سیکورٹی اچ کوئی کمی نہ چھوڑی ویسی۔