اسلام آباد۔8ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو متحدہ عرب امارات مشرق وسطی اچ پاکستان دا ساریں توں وݙا تجارتی شراکت دار اے، یو اے اچ سولہاں لکھ پاکستانی رہندے پن جیڑھے جو ٻاہرلے ملک پاکستانیاں دی ݙوجھی وݙی رہݨ دی جاہ اے، یو اے ای کووڈ دے بعد ساریں توں وݙا ایونٹ ایکسپو 2021ء دا انعقاد کرݨ ویندا پئے جیں تے انہاں کوں مبارخ ݙیندوں۔ اے ڳال انہاں متحدہ عرب امارات دے سفیر حماد عبید ابراہیم الزابی نال ڳال مہاڑ کریندے ہوئیں آکھی اے جنہاں ٻدھ کوں انہاں نال ملاقات کیتی ۔ وفاقی وزیر اطلاعات آکھیے جو دوبئی اچ تھیوݨ آلی ایکسپو 2021ء اچ ایں واری آپݨی طرز دا ھک منفرد پاکستانی پویلین ہوسی، وزارت تجارت اتے وزارت اطلاعات ایں ایکسپو اچ شرکت کیتے بھرپور تیاری کریندے پئن۔ خطے دی صورتحال بارے ڳال کریندے ہوئیں وفاقی وزیر اطلاعات آکھیے جو افغانستان اچ امن و استحکام خطے دے مفاد وچ اے ، پاکستان افغانستان اچ امن و استحکام کیتے مخلصانہ کاوشاں کیتیاں ۔
