اسلام آباد۔9ستمبر (اے پی پی):قومی اسمبلی دے سپیکر اسد قیصر اتے ڈپٹی سپیکر قاسم خان سوری فیصل واوڈا دی والدہ دے انتقال تے ݙکھ تے افسوس کیتے ۔قومی اسمبلی سیکرٹریٹ موجب سپیکر تے ڈپٹی سپیکر فیصل واوڈا دے ناں آپݨے انڄ انڄ سنھیے وچ انہاں دی والدہ دے انتقال تے اظہار تعزیت کریندے ہوئیں مرحومہ دی وفات کوں ݙکھی خاندان کیتے وݙا صدمہ اتے ناقابل تلافی ضیان قرار ݙتے ، انہاں آکھیے جو والدہ دی وفات توں پیدا تھیوݨ آلا خلا کݙاہیں پر نی تھی سڳدا ۔سپیکر اتے ڈپٹی سپیکر اللہ تعالیٰ توں مرحومہ دے اچے درجے تے ݙکھی خاندان کوں ایں ناقابل تلافی ضیان کوں برداشت کرݨ کیتے صبر دی دعا کیتی اے ۔
