اقوام متحدہ۔9ستمبر (اے پی پی):پاکستان آکھیے جو اقوام متحدہ دے امن دستیں اچ شامل پاکستانی سکیورٹی اہلکاراں کشیدگی دے شکار ملکاں لائبیریا، برونڈی، سیرالیون اتے تیمور لیستے اچ امن دی بحالی کیتے اہم کردار نبھائے ۔ اقوام متحدہ اچ پاکستان دے مستقل مندوب منیر اکرم گزریل ݙینھ اقوام متحدہ دی سلامتی کونسل اچ پائیدار امن دے قیام دی حمایت متعلق بیان اچ آکھیے جو اقوام متحدہ وچ خدمات سرانجام ݙیوݨ آلے اساݙے فوجی دستیں کشیدگی دا شکار ملکاں اچ مقامی پولیس اتے بئے قانون نافذ کرݨ آلے اداریں دی تربیت سودھے پرامن انتخابات دے انعقاد، باغیاں کوں غیر مسلح کرݨ ، بارودی سرنگاں کوں ناکارہ بݨاوݨ دے آپریشن تے شہریاں دے تحفظ اچ وی میزبان حکام دی مدد کیتی اے ۔ انہاں آکھیے جو جیڑھے جو متاثرہ ملک اچ امن، استحکام اتے معاشی خوشحالی کوں برقرار رکھݨ دے پاسے ھک قدم اے ۔ انہاں آکھیے جو پاکستان مغربی افریقی ملک جمہوریہ کانگو اچ تریمتاں دی ٹیم تعینات کیتی جیں طلبہ، اساتذہ اتے تریمتاں دی تربیت تے پولیس کیتے سائیکالوجی ورک شاپس دا انعقاد کرݨ سودھے امن و امان دے قیام کیتے کئی اقدامات کیتن جݙاں جو سوڈان دے علاقہ ڈارفور اچ اقوام متحدہ دے امن مشن دے خاتمے دے بعد پاکستان پولیس سروس دی تریمت افسر ہلینہ اقبال کوں سوڈان اچ اقوام متحدہ دے انٹیگریٹڈ ٹرانزیشن اسسٹنس مشن (یو این آئی ٹی اے ایم ایس) اچ پولیس کمشنر تعینات کیتا ڳئے ۔
