وزیر خزانہ دی زیر صدارت ای سی سی دا اجلاس، ہک لکھ 20 ہزارمیٹرک ٹن کݨک مل ڳھنݨ دی منظوری

اسلام آباد۔9ستمبر(اے پی پی)کابینہ دی اقتصادی رابطہ کمیٹی (ای سی سی) ہک لکھ 20 ہزارمیٹرک ٹن کݨک خریداری کیتے ٹینڈر، فوجی آئل ٹرمینل اینڈڈسٹری بیوشن کمپنی (فوٹکو) کیتے ٹیرف تے نظرثانی اتے پبلک سیکٹرکمپنیز(کارپویٹ گورننس) رولز دے تحت پاکستان نیشنل شیپنگ کارپویشن دے 19 ذیلی کمپنیاں کوں قواعد اچ جون 2021 تئیں نرمی ݙیوݨ دی منظوری ݙتی اے ڄݙاں جو خود کار طریقہ نال ضائع تھیوݨ آلیاں سرنڄاں اتے مقامی سطح تے انہاں سرنڄاں دی پیداوار کیتے خام مال و مصنوعات دی درآمد تے ٹیکساں اتے ڈیوٹیز اچ چھوٹ دی وی منظوری ݙتی ڳئی۔ ای سی سی دا اجلاس وزیرخزانہ شوکت فیاض ترین دی زیرصدارت وزارت خزانہ اچ تھئے جیندے اچ وفاقی وزیرقومی غذائی تحفظ وتحقیق سیدفخرامام، وزیرداخلہ شیخ رشید احمد، وزیرنجکاری محمد میاں سومرو، وفاقی وزیربحری امور سید علی حیدرزیدی، وفاقی وزیرریلوے اعظم خان سواتی، وزیرمملکت اطلاعات ونشریات فرخ حبیب، معاون خصوصی توانائی و پٹرولیم تابش گوہر، گورنرسٹیٹ بینک رضاباقر، وفاقی سیکرٹریز، چئیرمین ایف بی آر اتے ٻئے سینئر حکام شرکت کیتی۔ ای سی سی ٹیکس چوری اتے کڄھ شئیں تے قابل ادا ڈیوٹیز دی عدم ادائیگی دی ٹریک اینڈ ٹریس نظام روکݨ کیتے ان لینڈ ریونیو انفورسمنٹ نیٹ ورک (آیرن) کوں تکڑا کرݨ کیتے سمری دی منظوری ݙتی۔