اسلام آباد۔10ستمبر(اے پی پی)وزیرِ مملکت برائے اطلاعات تے نشریات فرخ حبیب آکھے جو باہرلے ملک رھݨ آلے پاکستانی محنت کشاں دا شکریہ جنھاں اگست 2021 اچ 2.7 ارب ڈالر دی ترسیلات زر بجھوائن جیڑھیاں پچھلے سال اگست اچ 2.1 بلین ڈالر دی ترسیلات زر دے مقابلے اچ 27 فیصد ودھ ہین۔ ہک ٹویٹ اچ وزیر مملکت اطلاعات تے نشریات فرخ حبیب آکھے جو ایں مالی سال دے پہلے 2 مہینیاں جولائی اگست اچ باہرلے ملک رہوݨ آلے پاکستانی شہریاں مجموعی طور تے 5.4 بلین ڈالردی ترسیلات کیتن جیڑھیاں پچھلے سال دی ایں مدت توں 10.4 فیصد ودھ ان ۔
