کابل۔14ستمبر (اے پی پی):افغانستان دے عبوری وزیر خارجہ مولوی امیر خان متقی افغانستان دی فوری امداد تے پاکستان، قطر سودھا ٻئے ملکاں دا شکریہ ادا کریندے آکھیے جو کڄھ ملکاں امداد آپݨے مطالبات نال مشروط کیتی اے، اساں سارے ملکآن نال چنقے تعلقات چاہندے ہیں بھل کہیں دے وی دباؤ اچ نہ آسوں۔ کابل اچ میݙیا نال ڳالھ مہاڑ کریندے ہوئے افغانستان دے عبوری وزیر خارجہ مولوی امیر خان متقی آکھیا جو وزارت خارجہ دے سابق اہلکار اپݨا کم جاری رکھسن، ساݙے سفارتخانیاں اچ اہلکار ہݨ وی افغانستان دے نمائندے ہین، جیکر سابق حکومت دے کیتے ڳئے معاہدے قومی مفاد اچ ہوئے تاں انہاں کوں اجری رکھیا ویسی شرط اے ہے جو اے معاہدے ساݙے نظریات اتے مذہب نال متصادم نئیں ہووݨے چاہیدے۔ انہاں آکھیا جو ساݙی جیڑھی حکومت ٻݨی اے او بالکل ہک مکمل مخلوط حکومت اے جیندے اچ سارے گروہاں کوں رلایا ڳئے، کابینہ اچ لورھ پووݨ دے نال نال وٹا پھیر تھیندی راہسی۔ انہاں آکھیا جو تریمتیں دے حقوق سانڳے کڄھ ملکاں دے اعتراضات ناقابل قبول ہین۔ انہاں آکھیا جو حالی تئیں کہیں وی طالبان دی حجکومت کوں نئیں منیا، اقوام متحدہ اتے خطے دے کڄھ ملکاں نال رابطہ تھئے، انہاں کجڄھ تحفظات رکھین جیندے تے غور تھیندا پئے بھل ڄھیڑا امارات اسلامی کوں منیسی اوکوں خوش آمدیدآکھسوں۔ انہاں آکھیا جو کوشش اے کہ بیرون ملک مقیم مہاجرین ول آون اتےا ساں انہاں کوں آپݨے وطن اچ آباد کرݨ دی پوری کرشش کریسوں، جیڑھے لوک افغانستان توں ونڄݨ چاہندن، انہاں تے کوئی پابندی کائنی، سرمایہ اکر آون انہاں کوں پورا تحفظ ݙیسوں۔