ملتان۔14ستمبر(اے پی پی)وزیر خارجہ مخدوم شاہ محمود قریشی آکھے شہریاں کوں براہ براست ریلیف ڈیوݨ کیتے حکومت صحت تے تعلیم دے منصوبیاں کوں ترجیحی بنیاداں تے پورا کرݨ دا ارادہ کیتا ہویااے، جنوبی پنجاب اچ ترقیاتی کماں کیتے ارباں روپے دے فنڈز ڈتن ۔ اے گالھیں انھاں ڈپٹی کمشنر آفس ملتان اچ ڈسٹرکٹ کوآرڈینیشن کمیٹی دے اجلاس دی اڳواݨی کریندے کیتن۔ اجلاس اچ صوبائی وزیر توانائی ڈاکٹر اختر ملک ،ڈپٹی کمشنر عامر کریم خان، سی پی او ملتان منیر مسعود مارتھ ، صوبائی پارلیمانی سیکرٹری برائے انفارمیشن ندیم قریشی، معاون خصوصی برائے وزیراعلی پنجاب جاوید اختر انصاری، اراکین صوبائی اسمبلی زین قریشی، سلیم لابر ، واصف مظہر راں، طارق عبداللہ،قاسم عباس لنگاہ اتے ٹکٹ ہولڈر ملک اکرم وی موجود ہن ۔ شاہ محمود قریشی آکھے جو ملتان اچ کڈنی سنٹر اچ ٹرانسپلانٹ دا کامیابی نال آغاز تھی چکے، جنوبی پنجاب سیکرٹریٹ دے رول آف بزنس منظور تھی چکین جیندے نال جنوبی پنجاب سیکرٹریٹ دے پلیٹ فارم توں ایں خطے اچ ترقی دا سفر تکھا ہوسی۔ انہاں آکھیا جو اسمبلی دے ارکان ترقیاتی منصوبیاں دے حوالے نال ضلعی محکمیاں دی بھرپور مدد کرن ۔
