اسلام آباد۔16ستمبر (اے پی پی) وزیراعظم دے مشیر برائے تجارت عبدالرازاق داؤد وزیر اعظم عمران خان دے رلے تاجکستان پڄ ڳئے، جتھاں او پاک تاجک بزنس فورم اچ شریک تھیسن ۔ خمیس کوں وزارت تجارت توں جاری بیان موجوب پاک تاجک بزنس فورم اچ 67 پاکستانی اتے 150 تاجک کمپنیاں شریک تھیسن، ہݨ تئیں بزنس فورم دے B2B 1500 اجلاس تھی ڳئن۔ انہاں اجلاساں اچ ٹیکسٹائل، دوائیں، لیدر، زرعی مصنوعات، سیاحت اتے مائننگ دے شعبیاں تے غور کیتا ڳیئے۔
