واشنگٹن۔16ستمبر (اے پی پی):امریکی وزارت خارجہ دے ترجمان نیڈ پرائس آکھیے جو اساں پاکستانی حکام اتے پاکستانی قیادت نال مسلسل رابطے اچ ہیسے ، پاکستان افغانستان اچ ایجھی حکومت دے قیام دی تسلسل دے ںال حمایت کیتی اے جیں اچ سارے فریق شامل ہوون جیں کوں وݙے پیمانے تے عوامی حمایت حاصل ہووے ، انسانی حقوق اتے انسداد دہشت گردی اتے ماضی دے ثمرات دے تحفظ متعلق خدشات تے مشترکہ ترجیحات ایں امر دی متقاضی ہن جو اساں سارے ھکے پاسے ٹروں ۔میڈیا بریفنگ وچ ھک سوال دا ولدا ݙیندے ہوئیں امریکی ترجمان آکھیے جو پاک امریکا تعلقات دے پس منظر اچ اساں پاکستانی حکام اتے پاکستانی قیادت نال مسلسل رابطے وچ ہیسے ، اساں افغانستان دی صورتحال تے تفصیلی ڳال کیتی اے ۔ترجمان گزریل ہفتے جرمنیاچ تھیوݨ آلے وزارتی سطح دے ورچوئل اجلاس دا حوالہ ݙتے جیں اچ امریکی وزیر خارجہ انٹونی بلنکن اتے جرمن وزیر خارجہ ہائیکو ماس تے پاکستان دے وزیر خارجہ شاہ محمود قریشی شرکت کیتی ہئی انہاں ݙسائے جو ایں موقع تے ایں ڳال تے اتفاق تھئے جو افغانستان اچ گزریل 20 سال اچ ملݨ آلے ، خاص طور تے تریمتاں ، چھوہریں تے اقلیتاں دے حوالے نال کامیابیاں دا تحفظ ساریں دے مفاد اچ اے ایندے نال نال افغان عوام دے مصائب اچ کمی وی ساریں دے مفاد وچ اے ۔
