ڈرائی ڈاکنگ شیڈول توں پہلے ہی مکمل تھی گئی اے، سارے شعبیاں کوں گیس بحال کر ݙتی ویسی، وفاقی وزیر توانائی حماد اظہر

اسلام آباد۔16ستمبر(اے پی پی)وفاقی وزیر توانائی حماد اظہر آکھیے جو ڈرائی ڈاکنگ شیڈول توں پہلے ہی مکمل تھی گئی اے، سارے شعبیاں کوں گیس بحال کر ݙتی ویسی۔ ایل این جی بارے ہک ٹویٹ اچ حماد اظہر آکھیے جھو ایں واری شیڈول توں پہلے ڈرائی ڈاکنگ مکمل تھی ڳئی اے اتے اوریجنل ایف ایس آر یو بحال تھی قئے۔ انہاں آکھیا جو کچھ شعبیاں اچ گیس لوڈ مینجمنٹ کرݨی پئی اے بھل ہݨ گیس مکمل بحال کرݙتی ویسی ڄݙاں جو توانائی دے شعبہ اچ کوئی تعطل نئیں آیا، ایس این جی پی ایل، ایس ایس جی سی پاور اتے پٹرولیم ڈویژن دے اقدامات قابل تعریف ہین۔