راولپنڈی۔16ستمبر(اے پی پی)قومی کرکٹ ٹیم دے کپتان بابراعظم آکھے جو نیوزی لینڈ کرکٹ ٹیم دی 18 سال بعد پاکستان آمد خوش آئند اے، اساں مہمان ٹیم دے خلاف ہوم گراؤنڈ اتے ہوم کراؤڈ دا بھرپور فیدہ چاوݨ دی کوشش کریسوں، پاکستان دا سکواڈ متوازی اے اتے انھاں نینگر کھڈاریاں توں بہوں امیداں ہن، اساں کھڈاریاں کوں انفرادی اتے اجتماعی کردار واضح کرݨ چاہندے ہیں، ایہا وجہ اے جو سیریز دے پہلے میچ کیتے 12 کھڈاریاں دے ناواں دا اعلان وی کرڈتے ۔ سیریز اچ شامل باقی ڈو میچ 19 اتے 21 ستمبر کوں کھیڈے ویسن جیندے بعد ڈوہیں ٹیماں لہور روانہ تھی ویسن جتھاں پنڄ ٹی ٹوئنٹی انٹرنیشنل میچاں دی سیریز 25 ستمبر توں 3 اکتوبر تئیں قذافی اسٹیڈیم لہور اچ کھیڈی ویسی۔