پاک نیوزی لینڈ سیریز منسوخ، پی سی بی دا معاملہ آئی سی سی اچ چاوݨ دا فیصلہ، اڄ شائقین اتے کھلاریآن کتیے افسوسناک ݙینھ اے، رمیز راجہ

لاہور۔17ستمبر(اے پی پی)پاکستان اتے نیوزی لینڈ دی کرکٹ سیریز سکیورٹی وجوہات پاروں منسوخی دے بعد پاکستان کرکٹ بورڈ (پی سی بی) معاملہ آئی سی سی اچ چاوݨ دا فیصلہ کیتے۔ پاکستان کرکٹ بورڈ (پی سی بی) دے چیئر مین رمیز راجہ ٹویت کیتے جو اڄ شائقین اتے ساݙے کھلاڑیاں کیتے ٻہوں افسوسناک ݙینھ اے، سیکورٹی خدشات پاروں یکطرفہ فیصلہ مایوس کن اے، نیوزی لینڈ کیہڑی دنیا اچ راہندا پئے؟ چیئر مین پی سی بی آکھیے جو سیریز دی منسوخی دے بعد نیوزی لینڈ ساکوں ہݨ انٹرنیشنل کرکٹ کونسل (آئی سی سی) اچ سݨسی۔ ٻئے پاسو کرکٹ نیوزی لینڈ تصدیق کیتی اے جو دورہ منسوخ تھی ڳئے بھل کھلاڑیاں دی سلامتی کیتے ایندے علاوہ ٻیا کوئی آپشن کائنا ہا۔