لاہور۔19ستمبر (اے پی پی) وزیراعلی عثمان بزدار دا تونسہ، ڈیرہ غازی خان اتے قبائلی علاقیاں اچ جرائم پیشہ عناصر دیخلاف کریک ڈائون دا حکم ݙیندیں ہوئیں آکھیا جو قانون شکن عناصر دے خلاف بلاامتیاز کارروائی کیتی ونڄے اتے لا اینڈ آرڈر اچ بہتری کیتے خصوصی اقدامات کیتے ونڄن۔ انہاں تونسہ دے نیڑے ڈاکوں دی فائرنگ نال شہری ثناء اللہ دے جاں بحق تھیوݨ دے واقعے دا نوٹس گھندیں ہوئیں آر پی او ڈیرہ غازی خان توں رپورٹ منڳ ڳھدی اے اتے ملزماں کوں جلدی پکڑݨ دا حکم ݙتے۔ وزیراعلی دے حکم تے ایس ایچ او تھاݨاں صدر تونسہ کوں معطل کر ݙتا ڳئے۔ وزیراعلیٰ ہدایت کیتی جو علاقے اچ پولیس دی نفری ودھائی ونڄے اتے شہریاں دی جان تے مال دا تحفظ یقینی ٻݨایا ونڄے۔