اسلام آباد۔19ستمبر (اے پی پی) وفاقی وزیر سائنس تے ٹیکنالوجی سینیٹرشبلی فراز آکھیا جو وزیراعظم عمران خان دی ہدایت تے الیکٹرانک ووٹنگ مشین ، ای وی ایم دےذریعے انتخابات کراوݨ دا رستہ ݙکھایا ڳئے، جمہوریت ، پارلیمنٹ دے وقار دی بحالی اتے غیرمتنازع انتخابات کیتے ٹیکنالوجی دا استعمال کرݨا پوسی۔ ماضی اچ انتخابات اچ تنازعے پاروں حکومتاں غیر مستحکم رہین اتے کئی واری سیاسی بحران رہیے، الیکشن کمیشن کوں نشابر کرݨا پوسی جو او ایں معاملے اچ سنجیدہ اے اتے کم کرݨ چاہندے۔ اے ڳالھیں انہاں اتوار کوں پریس کانفرنس کریندیں ہوئیں آکھی۔
