اقوام متحدہ ۔20ستمبر (اے پی پی):اقوام متحدہ افغانستان کوں ھک محفوظ اتے مضبوط ریاست بݨدے ہوئیں ݙیکھݨ دی خواہش مند اے ۔ جنرل اسمبلی دے 76 ویں اجلاس توں پہلے اقوام متحدہ دےسیکرٹری جنرل انتونیو گوتریس ھک انٹرویو اچ آکھیے جو اے ڳال ٹھیک اے جو افغانستان دی صورتحال غیر متوقع اے لیکن اساں چاہندوں جو افغانستان اچ جامع حکومت ہووے تے افغانستان انسانی حقوق بالخصوص تریمتاں دا احترام کرے۔ انہاں آکھیے جو اساں چاہندوں جو افغانستان ھک محفوظ ریاست بݨے تے افغانستان منشیات دی اسمگلنگ دا مقابلہ کرے ، لیکن اے پیش گوئی کرݨ ٻہوں اوکھا اے جو کیا تھیوݨ آلا اے کیوں جو اے حالی تئیں واضح کائنی جو کیا تھیوݨ آلا اے ، انہاں آکھیے میں سمجھداں جو اقوام متحدہ دا فرض اے جو افغانستان کوں انسانی امداد ݙیوے ۔
