ملتان۔21ستمبر (اے پی پی):نشترہسپتال ملتان اچ گزریل 24 گھنٹے اچ کووڈ۔19 پاروں 4تریمتاں زندگی دی بازی ہرڳئن ۔منگل کوں نشترہسپتال توں جاری اعداد و شمار موجب گزریل 24 گھنٹے اچ کووڈ۔19 پاروں 4 تریمتاں انتقال کرڳئن جنہاں اچ ملتان توں تعلق رکھݨ آلی 32سالہ صغراں بی بی، 65 سالہ فوزیہ بانو ،55سالہ رابعہ بی بی اتے خانیوال دی 65سالہ منظوراں بی بی شامل ہن۔ نشترہسپتال ملتان کوروناوارڈ دے فوکل پرسن ڈاکٹرعرفان ارشد ݙسایا جو 24 گھنٹے اچ مزید 238مریضاں کوں ہسپتال گھن آیا ڳئے جنہاں دے کورونا ٹیسٹ کیتےڳئن ،جنہاں اچوں 25دے ٹیسٹ مثبت اتے 109دے منفی آئے جݙاں جو 104دی رپورٹ آوݨ باقی اے ۔انہاں آکھیے جو ایں ویلھے نشترہسپتال اچ 90 اچوں 81وینٹی لیٹرز زیراستعمال ہن ۔
